កងកម្លាំងខណ្ឌឬស្សីកែវបង្ក្រាបបានករណីលួចម៉ូតូទាំងកណ្ដាលយប់

នៅថ្ងៃទី​១៥ ខែវិច្ឆិកា ឆ្នាំ​២០១៩​ វេលា​ម៉ោង​ ០១:៣០នាទី​ រំលងអាធ្រាត្រ​ នៅចំណុច ផ្លូវបេតុង ក្រុុមទី​ ១៣ ភូមិបឹងសាឡាង សង្កាត់​ឫស្សីកែវ​ ខណ្ឌឫស្សីកែវ​ រាជធានី​ភ្នំពេញ​ កំលាំងល្បាតខណ្ឌ+ប៉ុស្តិ៍នឹងប្រជាការពារសង្កាត់ដឹកនាំដោយលោកអនុ.ឯក តូច គឹមសុង នាយប៉ុស្តិ៍នគរបាលរដ្ឋបាលឫស្សីកែវបានឃាត់ខ្លួនជនសង្ស័យចំនួន ០២ នាក់ * ជនសង្ស័យទី១. ឈ្មោះ ចាន់ វាសនា ហៅ ស្នា ភេទប្រុស​ អាយុ​ ២៥ ឆ្នាំ​ មុខរបរ​ មិនពិតប្រាកដ​ មានទីលំនៅ ផ្ទះជួល ផ្លូវលេខ៥ ភូមិ ផ្សារតូច សង្កាត់ទួលសង្កែទី១ ខណ្ឌ ឫស្សីកែវ រាជធានីភ្នំពេញ ។ *ជនសង្ស័យទី២. ឈ្មោះ សំអុល រតនា ហៅ ពៅ ភេទប្រុស​ អាយុ​ ២៧ ឆ្នាំ​ មុខរបរ​ មិនពិតប្រាកដ​ មានទីលំនៅ ផ្ទះជួល ផ្លូវលេខ៥ ភូមិ ផ្សារតូច សង្កាត់ទួលសង្កែទី១ ខណ្ឌ ឫស្សីកែវ រាជធានីភ្នំពេញ ។ * សម្ភារ:ដកហូតរួមមាន៖ ១. ម៉ូតូ ០១ គ្រឿងម៉ាក SUZUKI NEX ពណ៌ ស ពាក់ស្លាកលេខ ភ្នំពេញ 1BN. 0315 ២. ដែកសំប៉ែតកែច្នៃ ( ឧបករណ៏សម្រាប់កាច់សោរកម៉ូតូ) ចំនួន ០២ ដើម ៣. សោរខ្សៀរលេខ ៨ ចំនួន ០២ ដើម ៤. ទូរស័ព្ទដៃ០២គ្រឿងម៉ាក NOKIA ពណ៌ ក្រហម ០១គ្រឿង និង ម៉ាក Western ពណ៌ ខ្មៅ ០១គ្រឿង ៥. ទុល្វីស ចំនួន ០១ ដើម ដំណើររឿងហេតុ កំលាំងល្បាតសហប៉ុស្តិ៍មានការសង្ស័យទៅលើមុខសញ្ញាពីនាក់បានឃាត់យកមកប៉ុស្តិ៍ធ្វើការសាកសួរ បានសារភាពថាពួកគេទាំងពីរនាក់បានធ្វើសកម្មភាពលួចម៉ូតូម៉ាកនិចនៅម្តុំស្ពានទី២ឬទី៣ក្នុងសង្កាត់ព្រែកលៀប ពេលជិះចេញមកជួបសមត្ថកិច្ចឃាត់ខ្លួនតែម្តង។ ចំពោះមុខផ្នែកជំនាញខណ្ឌប៉ុស្តិ៍កំពុងសាកសួរយកចម្លើយកសាងសំណុំរឿងបញ្ចូនទៅសាលាដំបូងរាជធានីភ្នំពេញដើម្បីអនុវត្តន៍តាមនីតិវិធី​៕