រន្ធត់ណាស់! យន្ដហោះផ្ទុកមនុស្ស១៨៣នាក់ បានឆេះ និងបាក់ជាបីកំណាត់ បណ្ដាលឱ្យមនុស្សស្លាប់៣នាក់ និងរបួសជាច្រេីននាក់

February 06, 2020

យន្តហោះដឹកអ្នកដំណើរប្រភេទ Boeing 737 មួយគ្រឿង បានជួបគ្រោះថ្នាក់រអិលធ្លាក់ផ្លូវ ក្នុងកម្ពស់ប្រមាណ ៦០ ម៉ែត្រក្នុងទីក្រុង Istanbul ប្រទេសទួគី កាលពីយប់មិញនេះ បានធ្វើឲ្យមនុស្សយ៉ាងហោចណាស់ ៣ នាក់បានស្លាប់ និងជាច្រើននាក់ទៀតបានរងរបួស ។ យន្តហោះផ្ទុកអ្នកដំណើរចំនួន ១៨៣ នាក់ (រួមទាំងបុគ្គលិកលើយន្តហោះ) នេះ បានបាក់ជា ៣ កំណាត់ មុននឹងចាប់ផ្ដើមឆាបឆេះ ក្រោយមិនអាចគ្រប់គ្រងការហោះហើរបាន ដោយសារតែអាកាសធាតុមិនល្អ ទើបធ្វើឲ្យមានការចុះចត ធ្លាក់ផ្លូវបែបនេះ ។ គួរបញ្ជាក់ថា យន្តហោះប្រភេទ Boeing 737 របស់ជើងហោះហើរ Pegasus Airlines បានមកដល់ប្រលានយន្តហោះ Sabiha Gokcen ក្នុងទីក្រុង Istanbul ក្រោយចាកចេញពីភាគខាងលិចនៃទីក្រុង Izmir មុនពេលជួបបញ្ហា ក្រោយឆ្លងកាត់ខ្យល់បោកបក់ខ្លាំង ។ ក្នុងហេតុការណ៍បាក់យន្តហោះនេះ មកទល់ពេលនេះ ត្រូវបានឲ្យដឹងថា បានសម្លាប់មនុស្សចំនួន ៣ នាក់ ខណៈអ្នកដំណើរ ១៧៩ នាក់ផ្សេងទៀតបានរងរបួស ៕ ប្រជាប្រិយ