TOP NEWS: ក្រសួងសុខាភិបាល ចេញសេចក្ដីណែនាំពីវិធីដាក់ខ្លួនឯង ឲ្យនៅដាច់ដោយឡែកពីគេ ក្នុងរយៈពេល ១៤ថ្ងៃ ចំពោះបុគ្គលដែលធ្វើចត្តាឡីស័ក ដើម្បីបង្ការ និងទប់ស្កាត់កូវីដ១៩

(ភ្នំពេញ)៖ រដ្ឋមន្រ្តីក្រសួងសុខាភិបាល លោក ម៉ម ប៊ុនហេង នៅថ្ងៃទី១៦ ខែមីនា ឆ្នាំ២០២០នេះ បានចេញសេចក្ដីណែនាំ ពីវិធីដាក់ខ្លួនឯងឲ្យនៅដាច់ដោយឡែក ក្នុងរយៈពេល១៤ថ្ងៃ ដើម្បីបង្ការ និងទប់ស្កាត់ជំងឺកូវីដ១៩ នៅតាមផ្ទះជាលក្ខណៈបុគ្គល។ នេះបើយោងតាមសេចក្ដីណែនាំ របស់ក្រសួងសុខាភិបាល ដែលបណ្ដាញព័ត៌មាន Fresh News ទទួលបាននៅរសៀលថ្ងៃនេះ។ ក្រៅពីការបង្ហាញនីតិវិធីដាក់ខ្លួនឲ្យនៅដាច់ដោយឡែកពីគេ រដ្ឋមន្ដ្រីក្រសួងសុខាភិបាល ក៏បានណែនាំទៅអាជ្ញាធរមូលដ្ឋាន និងមន្ដ្រីសុខាភិបាលមូលដ្ឋាន ត្រូវតាមឃ្លាំមើលជានិច្ចដើម្បីឲ្យប្រាកដថា បុគ្គលដែលត្រូវបានធ្វើចត្តាឡីស័កដោយខ្លួនឯង អនុវត្តតាមត្រឹមត្រូវតាមការណែនាំនេះ។ ខាងក្រោមនេះជាសេចក្តីណែនាំរបស់រដ្ឋមន្រ្តីសុខាភិបាល៖